Ka Chun Ma的部落格

   其實我一得閒就會諗下D無聊野....可能呢排比較得閒...所以諗野都特別多...以前我唔鍾意打野上網...但最近覺得將自己既諗法比人睇下都幾有趣....好多人都話我好奇怪...點解你會咁樣諗野..我以前一直都唔覺得...但人越大越覺得自己同其他人有唔同...唔通我真係異族...我將會講我由細到大既諗法比大家睇...等大家睇下我係咪真係古怪過人...雖然可能冇人會睇...但當記錄低都好丫..

   聰明!? 其實咩叫做聰明呢?  聰明個定義係咩? 現今社會D 人會用搵到幾錢黎睇人有幾聰明...聰明係唔係真係搵到錢? 先講一些例子...咩叫聰明..轉數比人快算唔算聰明? 智識比人多算唔算聰明? 古惑算唔算聰明? 好口才又係唔係聰明? 打比比如..我有一個朋友轉數好快...但佢唔會為自己打算...人地一講咩..佢就會知人地講咩..甚至未講完佢都會估到人地想講咩...但我唔覺得聰明既人係會為自己將來打算的...另外有一個轉數都快的....但佢唔會自己諗野....通常都係問題黎到佢先會解決...甚至唔理...所以我認為轉數快亦不等於聰明...我有D朋友學歷比較高所識既野都比較多...但佢轉數唔快....之不過佢有長遠既計劃..目標...而且佢有清晰既思路....只係回答得比較慢...呢個我唔排除佢係聰明...因為隨住經驗不停累積...佢會解決問題越快..可能到佢40歲時就會成為一個出色既人...但咁算唔算聰明呢? 又有一個朋友好古惑...平時只會有佢整估人..冇人整估到佢...又識得將投機...只係份人比較有機心...唔肯蝕底..咁又算唔算聰明呢? 如果用錢黎衡量聰明咁佢地都唔算聰明...而係我另一個朋友...佢冇好好既口才...亦冇好快既轉數...又唔古惑...更加唔係讀完大學...佢只係中3畢業..但佢24歲時已經可以FULL PAY 買到一層17X萬既私人樓...佢有咩特別? 佢係一個好勤力既人...中3出黎做野...做車房仔...做左幾年升左做師傅..佢本人冇咩娛樂...日日都係返工放工...所以儲到下錢...幾年後佢已經慢慢咁儲左十幾廿萬...之後佢就玩下股票...佢唔係好叻個種..咩野低入高沽...只係穩穩當當賺少少就走...我以前仲會笑佢扲幾十萬出黎博幾千蚊...但當佢FULL PAY 買左層樓之後我既思想就亂晒...佢唔單止轉數唔快...甚至可以叫做慢...佢成日比我地整估...但點解佢會比我地成就高? 所以之後我就從新諗過聰明既定義...有D 人醒目但好懶...呢D叫唔叫聰明? 真正聰明既人應該唔會懶...佢應該會更加識得利用自己同身邊既一切...咁聰明包唔包括勤力呢? 另外有一個朋友佢醒目而且勤力但佢就係搵唔到錢...搵唔到錢既意思係..佢仲係月入1萬留下...佢係做AGENT的..有 D 人就同佢講...你冇運姐...你得GA...如果醒目加勤力都仲唔得..要加埋運氣...咁係咪要有埋運氣先叫聰明呢?

   再講我一些睇法...假設轉數係你諗野既速度...你既智識係一個圈....你轉數快..自然可以好快咁係個圈裡面搵到野...但你個圈細..你更快都只係o係個圈裡面撞黎撞去...而智識多既...個圈會比較...但轉數唔快...都可以搵到你想搵既野...雖然慢但都可以..所以讀書多的人正常會比讀書少既人搵錢多....而真正聰明既人係個圈大諗野又快....我以前係咁認為聰明的...其實到而家我都有D咁認為...只不過運氣同勤力點加落去呢? 再黎多個假設....假設你個圈係會不停向前行....行得越遠便越接近成功(每個人成功定義不同)...而你既勤力就等於你行既速度...而運氣等於風向...好運的時候俟會向你吹順風...運氣差就等於向你吹逆風...只要你努力堅持都可以到達目的地的...其實聰明既定義不是成功...聰明只要你有高既轉數多既智識就可以叫聰明....但係聰明並不是成功...好多聰明既人誤會了以為自己聰明就一定可以成功...其實要加埋堅定既意智同努力先可以做到成功...其實小弟之前就諗錯左...以為自己有些少聰明就等於必定成功...原來人真係體會過先會明白...好多野只係諗係唔會成功的..