Ka Chun Ma的部落格

    係我細個既時候我爸媽都成日話我好懶...唔去做功課亦唔會溫習...家務更加唔會去做...甚至連自己既房間都唔會收拾...係中一既時候聽到個同學仔講...聰明人先會懶...蠢既係唔識懶GA...但我不太認同...咁豬咪好聰明? 某程度黎講佢係聰明但睇下佢係同咩野比啦...我相信冇人會話隻豬聰明過自己...之後我自己去諗左好多關於懶既野...點解人會懶? 點解而家D人越來越懶...唔通真係而家D人越來越聰明? 諗諗下發現原來懶可以係一件好事...其實點解人越來越懶? 因為我地多左好多方便既發明...以前冇電梯,冇車, 冇飛機, 冇電話, 冇電腦, 冇便利店更加冇洸碗碟機等等..生活舒適左所以人越來越唔願意去做..以前冇車D人一樣會行路上京考狀元....而家叫人由金鐘行去灣仔...佢都好似想死咁...原來懶係人類既創意...所謂既以人為本..即係以懶為本...只要你發明左一D 可以令人懶既野...你就可以發達了....另外懶既人你會發現佢地做野既比率永遠都係偷懶佔多...我開始留意自己...因為我係一個純正既懶人...人地做一樣野要20分鐘...我就會諗辦法係10分鐘內完成...唔係為左表現我既效率...只係想快D做完快D休息...我以前公司收10點...我通常9:40 就會做完走先...如果個日有約我可以更快做完...原來懶人既效率係比正常人快...當然品質就唔敢保證啦...而我自己有一套標準...懶唔係問題...但你都要過得自己過得人....所以我一定會做得比合格線高少少....我媽成日問我點解你唔慢慢做做好D...我通常會答佢...你做一樣野扲90分...定做2樣野...2樣野都扲60分? 加埋有成120分WO...我媽通常都唔會再同我講落去...但近幾年諗法開始唔同左...原來你做2樣野扲60分..同一樣野90分...60分係唔會有人欣賞...即使你快...人地都只係會覺得你唔用心去做..是是但但求求其其...但你做一樣有90分...D人會覺得你有天份有才華...而且原來做一樣扲90分真係比2個60分難好多...因為唔係樣樣野你用心去做就可以做得好...有些人無論幾用心都只可以扲到70分...雖然呢幾年諗法有D改變...但我相信我本性一樣....只係有少許不同了...就係我而家會盡力去做..樣樣盡量做到100分....咁樣去到40歲我就可以退休...輕輕鬆鬆享受我既人生^^